Bertazzoni İvori Rəngli 45 Sm Mikrodalğalı Soba

Məhsulun Məzmunu

Bertazzoni HERITAGE seriyasına aid bu premium encastrə soba İtaliyada istehsal olunmuşdur və klassik dizaynı müasir texnologiya ilə birləşdirir. Qurğu TFT toxunma ekranı və metal fırlanan selektorlar vasitəsilə idarə olunur, bu da istifadədə həm rahatlıq, həm də yüksək dəqiqlik təmin edir. Soba mikrodalğalı və çoxfunksiyalı elektrik sobasının birləşməsidir, eyni anda həm mikrodalğa, həm də rezistanslarla bişirmə imkanı yaradır. Ümumilikdə 7 əsas bişirmə rejimi, 8 avtomatik bişirmə proqramı mövcuddur və istifadəçi özünə məxsus yeni avtomatik proqramlar da yarada bilər.

38 litr həcmə malik paslanmayan poladdan hazırlanmış daxili kamera uzunömürlü və gigiyenik istifadə üçün nəzərdə tutulub. İki səviyyəli daxili rels sistemi, daxili işıqlandırma, üçqat şüşəli soba qapısı və periferik soyutma ventilyatoru təhlükəsiz və stabil işləməni təmin edir. Elektrik tipli grill funksiyası yeməklərin bərabər və ideal qızarmasına imkan yaradır.

Xarici görünüş baxımından soba Heritage kolleksiyasına xas olan zərif retro üslubdadır. Rəngi bejdir (RAL9010), idarəetmə paneli metal bej materialdan hazırlanıb. Fırlanan düymələr massiv metal konstruksiyaya malikdir və qızılı örtüklə tamamlanıb. Qapı tutacağı da metal və qızılı rəngdədir. Xarici soba şüşəsi şəffafdır, çərçivəsi isə metal bej üzərində gümüşü və qızılı detallarla dizayn olunub. Qapı mexanizmi yumşaq açılıb-bağlanma funksiyası ilə təchiz edilib.

Komplektasiyaya 1 ədəd metal şəbəkə (şar), 32 sm diametrli 1 ədəd dairəvi şüşə sinidaxildir. Qida termometri (food probe) və şiş (süvəra) mövcud deyil.

Texniki baxımdan cihazın ölçüləri 59,5 × 45,5 × 56,3 sm-dir, encastrə üçün tələb olunan ölçülər isə 56,0 × 45,0 × 55,8–56,8 sm təşkil edir. Enerji səmərəliliyi A sinfidir. Mikrodalğalı sobanın maksimal gücü 1000 W-dır. Elektrik qoşulma göstəriciləri 220–240 V, 50/60 Hz, ümumi güc 3400 W və 16 A təşkil edir. Bu model həm funksionallıq, həm də estetik baxımdan yüksək səviyyəli mətbəxlər üçün nəzərdə tutulmuş etibarlı və zərif bir həlldir.

Məhsulun Xüsusiyyətləri